ترجم
هذه الصفحة
حبيبتى نجحت بتفوق
وطلعت الأولى وعدت
ولا عمرها نسيت كلمة
ولا عمرها فى يوم اتمدت
حبيبتى طلعت شطورة
على ربنا وبس اتسندت
وقف معاها ونجحها
وجدت قوى علشان جدت
**********
حبيبتى جابت فى الدرجات
أعلى النمر وسط اصحابها
وكلهم داخوا فى اجابات
وهي أول من جابها
عشان نبيهة وحافظة تمام
فاهمة المناهج من بابها
أشطر كتير م اللى مذاكرين
وأشطر كمان من كتابها
**********
دة أوباما لو دخل الاكزام
وشوفنا مستوى هيز انسر
نلاقيه يغش عشان ينجح
يمين شمال يفضل ينظر
وحبيبتى من غير ما تغشش
ولا تغش ولا تخنصر
جابت جريد عالى انما إيه
خلت أوباما يتحسر
**********
حبيبتى أشطر واحدة يا ناس
أمال بقى لو كات ذاكرت ؟؟
دي بس بصت فى الانجاز
فهمت وحفظت وافتكرت
مبروك عليكى يا روح الروح
رفعتى راسى اللى انكسرت
لو الوزارة تشوف حلك
كات جت لحدك ... واعتذرت
Subscribe to:
Post Comments (Atom)
No comments:
Post a Comment