ثورة فى ثورة .. ضرب .. مناورة .. ريس يخلع فى الإنجاز ... ييجي المجلس ... يركب .. يجلس .. بالاستفتا وبالألغاز .. نبدأ نسأل ... نسكت .. نقبل ... يركب ... نحمل ... م الأنجاس ... نرفض .. نصرخ .. يضرب .. يشرخ ... يهري بدننا بهذا الغاز ... نجري ... فيرجف .. يتعب .. يحدف ... طوب وحديد وخشب وقزاز ... يبقى يا نحمل تاني ونقبل ... يا نولع فى البعدا بجاز

سلامي للذى يقضى لنحيا .. سلامى للمصاب وللشهيد .... سلامى للذى فى الحق يمضى ... وما يبدى الضلال وما يعيد .... نباريكم هنا دمعا بدمع .... وحزنا من وريد للوريد ... ولكن لا نباريكم قتالا ... ولا صبرا ولا قلبا عنيد ... تلاحقكم مئات الحور عين ... وجنات .. وأنهار .. وغيد ... ترون الموت شمسا لا تبالى ... وتطلب من دماكم .. تستزيد ... فلا اليأس الذى ينساب فينا ... يصيبكموا ولا الخوف الشديد ... بربكم استمروا .. لا تبالوا .. فمن بين الظلام غد جديد ... وكم عانت من الآلام أم ... ومن بعد المخاض أتى الوليد

وانت مالك ؟؟؟

خلي دين أم الكنايس تتبني



طب وانت مالك ؟



خلى دين ام الجوامع تتبني



خليك فى حالك



انت اصلا تبقى مين ؟



انت ماسك لينا مدفع



انت تقتل .. واحنا ندفع



والرصاصة اللى احنا دافعين حقها من قوت عيالنا



تعدي من راس حنا



ترشق جوة قلب محمدين



انت مين ؟



تضرب المسلم ..



وتضرب فى المسيحي وفى البهائي



لما نحتار ايه اللى ممكن يقنعك بينا ويرضيك



بس حل يكون نهائي



ومش نلاقى



لما تضرب كل شعبي



من نصارى ومسلمين



ثم تضحك



ثم تدي غاز بلدنا



لناس ماهماش مظبوطين



تبقى انت بأنهو ملة



وانهو دين ؟



انت مين؟

كفانا ربع قرن

كفانا ربع قرن ... بل يزيد
فلا ما عاد يرهبنا الوعيد
قضينا ربع قرن دون عمر
ولا مال ولا حكم رشيد
كرامتنا تضيع بكل يوم
وتسحق كل ليل من جديد
بنيت مصانع الأهوال فينا
لتنتجنا مقامع من حديد
وأنت تعيش فى عز شديد ..
ونحن نموت فى ذل شديد
جعلت الحزب يحكمنا ولكن
رجال الحزب تحتك كالعبيد
تبيع الأرض والأعراض جهراً
وتقبض سعرنا بخساً .. زهيد
نموت بكل يوم ألف يوم
ولا علم لديك بمن يبيد
وفى أقسام شرطتنا وحوش
وفى كل البيوت لهم شهيد
فمن صعق ... لسحل .. لاغتصاب
لقتل فى الطريق .. فما يفيد ؟
إذا كنتم خصوماً من يقينا ؟؟
ذبحنا من وريد للوريد
ألا تخشى من الأيام شيئاً ؟؟
بأن يأتيك شيطان مريد
يفجر نفسه فيك انتحاراً
يخلصنا جميعاً يوم عيد ؟؟
فلا الأولاد قد يجدون نفعاً
ولا أملاً يعيش له الحفيد
تمهل قبل توريث لحكم
فشعب النيل – فى جوع – عنيد
يثور ولا يرد قواه شئ
فلا جند ولا ضرب يفيد
ولا شئ سيطفئ نار شعب
يعيش العمر جوعاً كالشريد
طلبت من الإله سنين حكم
رباك الله بالعمر المديد
ونحن نقول يا رب ابتلينا
وتبنا فارحم الوطن الوئيد
وأكرمنا بريح تقض فينا
قضاء الحق والحكم السديد
ألا فاحذر فإنا قوم موت
يموت شهيدنا راض سعيد
دعوت الله أن يحيى جموعاً
تريك الحق حقاً .... ما تريد
وإلا فاستمر وحق شعبي
سنأخذه كذا يوم الوعيد

لكِ الذى لنا هنا يا قاهرة

" كيف استطعتَ أن تغادر الوطن ؟؟ "
كيف استطعتُ رغم كل الحزن فيه
والمحن ؟؟
كيف استطعتُ رغم سوسه الضارب فى أحشائه
حتى العفن
كيف استطعتُ رغم خوفى أن أموت
ثم لا ألقى الكفن
كيف استطعتُ رغم أن حاكمى
قد باع أمى أو أبى بخساً ...
بل دونما ثمن ؟؟
كيف استطعتُ رغم أن موطنى
فيه الفقير ممتهن ؟؟
والموت فيه دون أعذار لنا مقدماً
لا نشرب الماء الزلال واللبن
بل عبأوا النيل دماً
ورغم ذاك يسأل القلب الحزين فى وهن
كيف استطعتَ أن تغادر الوطن ؟؟
**********
يا قاهرة ...
لك الذى لنا هنا يا قاهرة
سلامه على رباك الطاهرة
مازلت أبحث فى بلاد الثلج
عن حاناتك المتناثرة
عن طفلتى تلك التى لم تمش بعد
وإن مشت تمشى كذا متعثرة
عن أصدقائى والليالى الساهرة
لك الذى لنا هنا يا قاهرة
لقنتنى الشعر الذى قد عشت عمرى كاتباً ...
آه لك ...
قد كنت أعظم شاعرة
كيف المحب يا حبيبتى
يخفى هنا مشاعره ؟؟؟
لك الذى لنا هنا يا قاهرة
ما كنت يوماً تاجرة ..
ما كنت يوماً فاجرة ...
ما كنت حين أدخلوك الدار - قسراً –
عاهرة ...
أنت ابنة الأديان ....
أنت المنذرة
إنت ابنة الشهداء ...
أنت الثائرة
أنت التى للأقوياء قاهرة
أين الليالى الخاليات قبلتى ؟؟
فى الليل يفتقد الغريب سامره
لك الذى لنا هنا يا قاهرة
كل البلاد بعد نورك الفضى ظلماء الليالى
مقفرة
بلاد موت
يا بلادى المقمرة
كل الأغانى منكرة
كل المقاعد شاغرة
كل النكات مبكيات
يا بلاداً فجر الموت لديها
ضحكات هادرة
وها هنا
كل السنين كالشهور كالليالى
كالدقائق كالثوانى عابرة
لك الذى لنا هنا يا قاهرة
الله أكبر .....
كم أحبك رغم كل المضحكات المبكيات
على مداخلك الحزينة
والمبانى الساخرة
الله أكبر
يا مدينتى التى ما حوكمت
بالرغم أنك أنت ... أنت الساحرة
الله أكبر ....
حين تقصينا الليالى
من سوى عينيك يشفى
ذى الجروح الغائرة ؟؟
آه على قلبى الذى
قد فر منى عند باب الطائرة
عقلى وجسمى غادرا الوطن الجميل
ولكن القلب الصغير
قد أبى – والله – أن يغادره
لك الذى لنا هنا يا قاهرة
لك الذى لنا هنا يا قاهرة
لك الذى لنا هنا يا قاهرة

نفسى تفضل

هى ليه مصر اللى غالية
عندى شايفانى رخيص ؟؟
اللى بافديها بدمى
واللى قلت عليها أمى
واللى ويلها هو همى
واللى أحزانها بتقتل
فيا صوتى
واللى لو قالت حزينة
باحس موتى
واللى لو سالت دموعها
تسيل فى عيني
واللى لو داقت ألمها
تغور سنيني
ليه يا مصر بقيتي قاسية
زى ناس مش هم أهلك
ليه بقيتي بتقتلي اللى يشيل عذابك
قبل سهلك
اه يا مصر
يا اللى كنتى نوارتها فى كل عصر
يا اللى نورتى الليالى
يا اللى حليتى البحور
يا اللى خليتي اللى ميت
يبتسم جوة القبور
يا اللى علمتى الحقيقة
كل معنى للظهور
يا اللى زودتى السعادة
يا اللى عرفتى الحبور
يا اللى حليتى البنفسج
يا اللى فتحتى الزهور
يا اللى كنتى ويا اللى كنتى
قبل ما يجيلك دمارك
قبل ما يحكم علينا
بنتحارنا وبانتحارك
قبل ما يخلق بإيده النجسة عارك
قبل ما يبيعك ... ويرضى بالخسارة
قبل ما ينتور فى لحمك
جنب باب أوسخ سفارة
قبل ما يحكم عليكي ويحكمك
قبل ما يضلم نهارك ...
يشكمك
قبل ما يكتم نفسنا
ويكتمك
قبل ما الإيد اللى أكلت من ترابك
تترسم خط فى خدودك
تترسم نجمة فى حدودك
تترسمة شوكة فى عودك
آه يا مصر ... وآه يا مصرى
كل مصرى وله أوان
اللى طيب .. واللى مجدع
واللى ندل وألعبان
واللى يسرق ... واللى يحرق
واللى يهدى الأمريكان
واللى يضرب .. واللى يهرب
والشجاع زى الجبان
كل كلب وله أوانه
مهما خباه صولجان
إنت مثلاً ...
أيوة إنت يا اللى عارف انت مين
يوم زفافك ع البلد دي
كان فضيحة وعار وشين
من يوميها وانت راكب
بس مش عارف تسوق
من يوميها وإنت لينا
زى ميت مليون خازوق
فين لياليك يا فاروق
فين نيرون ؟؟
وللا هتلر ؟؟
وللا حتى العم كسرى
وللا قيصر
وللا نابليون ومينو
اللى أسلم ..
وإنت كفرك جوة دمك
لم يغادر
من يوميها وانت غادر
بس قادر
من يوميها واحنا ناس
متكممة
بس بنصيبها وخوفها
مسلمة
ناخد القلمين ... ونطمع
اننا ناخد تلاتة
شعب ماشى فى وسط حلبة
تاتا تاتا
وانت مبسوط رغم إنك
عارف إن الناس خلاص
طقت جنابها
ربع قرن بحاله ساكتة
قولى لى إيه بس اللى نابها
والأكادة ....
اتفضحت خلاص يا غالى
يا اللى كنت فى برج عالى
اتفضحت ... وسيبنى أدعى
إن يوم الثورة ييجى
حتى لو كان مش بإيدي
يحتفل بيه بعد منى
إبنى ... ويزقطط حفيدى
آه يا ظالم ...
دعوة المظلوم بتطلع
رغم أمنك ... أو نفوذك
قول لى فين ممكن هاتهرب
لما رب الناس يعوزك
وقتها ... يا ويل جنابك ...
شوف بقى إيه راح يصيبك
قول لى مين من مظلومينك
راح يخافك ... أو يسيبك
وسط كل الناس يا غالى
ربنا الجبار يجيبك
تتسئل عن كل واحد
كله معروف ... كله باين
قول لى كيف تنفع مباحث
وللا إيه تعمل كماين ؟؟
نفسى تفضل طول حياتك
تظلم الناس ... زى عادتك
لجل لما تموت جنابك
ثم تتحاسب سعادتك
تعرف ان الدنيا فانية
والحساب يوم الحساب
إنت ... والشلة الكبيرة ...
إنت ومعاك الكلاب

حين ... وحين

هذى الرغبة
تسقط فى فخ من رهبة
أصبح مثل حصانٍ عبدٍ
يرغب فى الهرب ولا يقدر
تصبح حريته كذبة
حين يكون العقل زجاجاً
لا تصنع من صوتك قبة
حين يصير السعر رخيصاً
ما أفلح من يشرى ذهبه
واصل ... قاتل
من هاب الزمن فلن يهبه
حين يكون الموت طريقاً للحرية
حين يكون العمر خطية
حين تساوى حريتنا
أن نتنازل
نصبح سيفاً دون مقاتل
حين نسير بغير طريق
ونرى بعيون وهمية
نتنفس من دون هواء
ونقاتل من دون حمية
حين نموت بغير وفاة
ونحاسب من غير كتاب
ونعاقب من دون ذنوب
ونثاب بلا أى عطية
نعرف أنا حقاً ... صدقاً
سكان بلاد عربية