عم أنس

عم أنس يسقط مجده

هنشوفله خازوق على قده

او فوق ماسبيرو نحطه

نربطه ولتحت نشده

لو عايز تكذب فكر

ماتقولش كلام بيضحك

انت وبس اللى هتتكدر

ولا يمكن يوم هنسامحك

لو فاكر إننا يعني

داقين عصافير فى قفانا

او جاي علينا تغني

لا .. اسمع انت غنانا

شايفين بعينيا اخواتنا

فى التحرير طالع دينهم

وانت تقول مابيحصلشي

والناس شايفينه بعينهم

خليتنا قفلنا قناتنا

وكرهنا خلاص إعلامنا

اللى تمللي مضللنا

واللى مطلع أيماننا

ضحكتوا علينا العالم

هو انتوا بتستعمونا ؟؟

طب علشان تاني نشوفكم

نعصر كام ألف لمونة ؟؟

لما سعادتك تتحاكم

مفروض تاخد إعدام

إنت وسيد وهناء

آه يا ديل أوسخها نظام

هنشوفك بقى يا يا حيلتها

دنيا وآخرة بتتحاكم

علشان ربنا يكرمنا

منك للرب يا ظالم