ترجم
هذه الصفحة
لما طاقة حزن تفتح
لما سوط فى الضلمة يجرح
لما خنجر ذكرياتك
يفرمك ... يألم .. ويدبح
لما جرحك يبقى زادك
والدموع تصبح معادك
والجراح ترسم بدمك
سكتك من يوم ميلادك
آه وألفين آه علينا
الدموع ساكنا فى عينينا
والنصيب ناصب شباكه
قيد مسلسلنا وكاوينا
النهار ضاع منا ضيه
والعذاب سارح بغيه
حلمنا أبسط ما فينا
من بساطته ما في زيه
بس نعمل إيه ؟ حزانى
والقدر بالويل جازانا
لو يموت حلم فى قلوبنا
مين هياخد يوم عزانا ؟
ياما قبلى ياما حلموا
بس لون الليل وظلمه
طوق الفجر فى عيونهم
وانتحر فى القلب حلمه
آه يا بكرة لما توصل
بالألم والويل هاتفضل
تترك الحزن اللى عندك
تاخد الأفراح وترحل
ذنبنا إيه ؟ حد يحكي
السكات أحسن ما نشكي
الكلام كله فى عينينا
يوم ما ننطق .. يوم مانبكي
اتحبس فى العين يا دمعي
واتكتم فيا يا وجعى
مهما تزداد الأسية
عمرى يوم ما هبطل أدعي
ربنا ... يا رب سلم
قلبى من أحزانه سلم
بس قلت يا رب عفوك
فوق جبين الجرح علم
Subscribe to:
Post Comments (Atom)
No comments:
Post a Comment